main jab bhi ghar jaata tha
uss baagiche me sair ke liye jaata tha
kai yaadein judi hain uss baagiche se meri
par aaj mujhe wo anjaana sa lagta hai

uss baagicha me hi guzra tha mera bachpan
kai dost bane the mere yaha, phool aur patte
maidaan ki ghaans per sardiyon me oss ki boond,
baarish me kichad ki chapkiyyan aur garmi me tapti dhul
aam ke ped par chadh kar kacche aam todna
aaj bhi yaad hai baarish me uss mitti ki khusbu

par ab wo khusbu kahin kho si gayi hai
yaha ab phool se jyada kaante nazar aane lage hain
agal bagal imaaratein ban gayi hai
ab mausam be-asar sa ho gaya hai
pollution ke karan baarish ka paani me acid sa kuch hai
ab yeh baagicha pehchaan bhi nahi paata main
aam ke ped par chad nahi paata, thoda mota ho gaya hun
ab kichad ki chapkiyyon se bachta hun
kahin daag lag gaya to, kapade mehenge ho chale hain
ghabraata hun uss phool ko chhoone se, darta hun
kahin acid ke paani se haath na jal jaaye
kahin koi kaanta na lag jaaye

main jab bhi ghar jaata tha
uss baagiche me sair ke liye jaata tha
par aaj mujhe wo anjaana sa lagta hai
Wo Baagicha
Tagged on:     

Leave a Reply

This site uses Akismet to reduce spam. Learn how your comment data is processed.